श्री जनकल्याण माध्यमिक विद्यालय

तत्कालिन नेपाल अधिराज्यबाट देशका विभिन्न भागमा गएको बाढी, पहिरोको चपेटामा परेका नेपाली जनताहरु तथा सुकुम्बासीहरुरलाई नेपाल सरकारले वि.सं. २०२७ साल देखि वस्ती विकास गर्ने योजना अनुरुप तत्कालीन नेपाल पुनर्वास कम्पनी लिमिटेड शिवसरोजस्थल कञ्चनपुरको स्थापना गरी विभिन्न वस्तीहरुको विकास गर्ने क्रममा केही वस्तीहरु २०२७ सालमा र केही वस्तीहरु जनमतसंग्रहको परिणाम पछि २०३७, २०३८ र २०४० सालमा साविकका, पराशन गा.वि.स., त्रिभुवनवस्ती गा.वि.स., वाइसीविचवा गा.वि.स., र कालिका गा.वि.स.हरुमा वस्ती विकास गरी व्यवस्थित ढङ्गले बसोवास गराइएको थियो । तत्कालिन श्री ५ को सरकारले वस्ती विकास गर्न योजनाबद्ध तरीकाले थालनी गरेकोले प्रत्येक वस्तीमा खानेपानीका धारा (पम्पसेट), १८ महिनासम्म रासनको व्यवस्था, प्रत्येक गाँउमा ४ विगाह जमीन, सहित ५ कोठे विद्यालय भवन निमार्ण गरी हस्तान्तरण गरेको पाइन्छ । यसै क्रममा पछिल्लो समयमा वस्ती विकास गर्दा अझै योजनाबद्ध रुपमा बसालेको पाइन्छ । प्रत्येक परिवारलाई आवासको लागि ५ कठ्ठा तथा कृषीकोलागि २ बिगाह जमीन, कृषीमल, चारैतिर बाटोको प्रबन्ध, रासनको प्रबन्ध, तथा खानेपानीमा देखिन सक्ने रोगहरु र सुझाव सल्लाहका लागि J.T.A. रहने गरी J.T.A. क्वाटर समेत नेपाल पुनर्वास कम्पनीद्वारा नै मिलाइएको थियो । यस कार्यका लागि तत्कालीन सरकारलाई पुनर्निर्माण तथा विकासका लागि अन्तराष्ट्रिय बैंक (International Bank For Reconstruction and Development) ले सहयोग गरेकोले यस विद्यालय भएको क्षेत्रलाई I.B.R.D. क्षेत्र पनि भन्ने गरिन्छ ।

थप पढ्नुहोस् →

सहायताको लागि हामीलाई कल गर्नुहोस्

९८४८७८४०४४

प्रधानाध्यापकबाट सन्देश

यस जनकल्याण मा.बि. विद्यालयको सर्वाङ्गीण पक्षको बिकासको लागी स्थानिय तह, प्रदेश तह र केन्द्रिय तह (सघं) को निरन्तर साथ र सहयोगको लागि सम्बन्धित कार्यलयहरुको ध्यानाकर्षण गरि आर्थिक र शैक्षिक लाभको पहुचको लागि सदैब तयार रहेने छु । यस विद्यालयको शैक्षिक गतिबिधिलाई उच्चतम तहमा लिन बाल केन्द्रित शैक्षिक निति, गरेर सिक्ने, अधिक्तम प्रदर्शन र अतिरिक्त क्रियाकलापहरुलाई प्राथमिकता राखिएको छ । शिक्षक कर्मचारी, प्र.अ., वि.व्या.स., पि.टि.अ. र अभिभावकहरुको एकरुपता साथै विद्यालयको ऐतिहासिक, सामाजिक, भौतिक, आर्थीक र शैक्षिक पक्षको विस्तृत जानकारीका साथै आगामि वर्षमा शैक्षिक सुधारका लागि विभिन्न प्रयासहरु गरिएका छन । यस विद्यालयसँग सम्बन्धित शिक्षकस्टाफ, कर्मचारीमित्र, अभिभावकवर्ग, विद्यार्थी, वि.व्य.स पदाधिकारी तथा स्थानीय एवं प्रदेश सरकारका जनप्रतिनिधिहरु, शिक्षापे्रमी, उद्योगी व्यापारीगणहरुसँग आवश्यक सरसल्लाह र परामर्श गरी विद्यालयका सम्पूर्ण गतिबिधिको मौजूदा अवस्था, निर्माण र सुधारका लागि अति शुक्ष्म ढंङ्गले अध्ययन गरी सकेसम्म बढी मेहनतका साथ प्राप्त सल्लाह र सुझावलाई समेटी यस विद्यालयको शैक्षिक तथा सम्पुर्ण पक्षहरुको विकास निर्माण कार्य गरिएको छ । यस कार्यमा खटिने शिक्षक, कर्मचारी मित्र आवश्यक राय सल्लाह र सुझाव दिनुहुने वि.व्य.स का अध्यक्ष लगायत पदाधिकारीज्यूहरु, स्थानीय तह, प्रदेश सरकारका जनप्रतिनिधिहरुको सहयोगको लागि, म विद्यालयको तर्फबाट हार्दिक धन्यवाद प्रकट गर्न चाहन्छु । थप पढ्नुहोस् →

श्री बिनोद कुमार के.सी.
प्रधानाध्यापक
9848784044

अध्यक्षबाट सन्देश

यस विद्यालयको सर्वाङ्गीण पक्षको विकास र सुधारका लागि विभिन्न योजना र कार्यक्रमहरु संचालन गर्ने र विद्यालय शिक्षामा पहुच सुनिश्चित गर्न गुणस्तर अभिवृद्धि गर्न एवम् संस्थागत सक्षमताको अभिवृद्धि गर्न लक्ष्य र उद्देश्य प्राप्तीका लागि जिम्मेवार निकायहरुबाट जिम्मेवारीपूर्वक अपेक्षा गरिएका सहयोगको लागि विद्यालय परिवार अत्यन्त आशावादी र विश्वस्त रहेको छ । यस विद्यालयले सफल र व्यवहारिक रुपमा शैक्षिक गतिबिधि गर्न गराउन सम्पूर्ण पक्षबाट पूर्ण सहयोग र समर्थनका लागि अनुरोध गर्दै आगामी वर्षको अद्यावधिक गर्दै अझै परिष्कृत ढंङ्गले गुणस्तरीय शिक्षा तर्फ लैजाने दृढता प्रकट गर्न चाहन्छु । थप पढ्नुहोस् →